CARTA
ABERTA ÁS EDITORIAIS E ÁS LIBRERÍAS GALEGAS
DO
COLECTIVO CULTURAL FALA CEIBE DE PONFERRADA
ANTE
O DÍA DAS LETRAS GALEGAS NO BIERZO.
No Bierzo está medrando nos últimos anos o interese social pola
cultura e a lingua galegas. Corno exemplos disto salientarnos a reivindicación
lingüística para que a materia de galego se poida estudiar nos centros
educativos ou a audiencia que teñen os medios de comunicación galegos (TVG,
radios, prensa, internet...). Sen embargo, a infraestructura cultural en
galego aínda é moi insufienciente na comarca.
O colectivo cultural Fala Ceibe trata de dar resposta a esta
problemática lingüística lingúística coa organización de variados actos en
galego. A vuideira celebración do día das Letras Galegas no Bierzo será
unha boa ocasión de cara a satisfacer esta demanda cultural da comunidade
galegofalante. Estamos programando diversas actividades atractivas para este 17
de maio. Entre elas subliñamos a DOAZÓN DE LIBROS EN GALEGO ás
bibliotecas públicas de Ponferrada, Cacabelos, Vilafranca, Camponaraia,
Carracedelo, Arganza, Toral dos Vados, os bibliobuses da Deputación e outras máis.
Este labor altruista representa a continuación do feito o ano pasado.
Fala Ceibe trata coa iniciativa de
compensar parcialmente esta carencia sociocultural que hai nas bibliotecas
municipais, ademais de animar ás Administracións públicas correspondentes a
que tomen as medidas axeitadas para o fornecemento de libros en galego, e
fomentar a demanda lectora entre a sociedade berciana. Sen embargo, este
colectivo cultural non ten capacidade económica para mercar os libros. Velaí a
necesidade de facer este PEDIMENTO ÁS EDITORIAIS E ÁS LIBRERÍAS GALEGAS para
que apoien esta iniciativa sociocultural de balde. Esta remesa de pequenos
feixes de libros vai ser de grande axuda. Libros para satisfacer a demanda
lectora infantil e xuvenil especialmente.
FALA CEIBE COMPROMÉTESE a
facer publicidade das editonais e as librerías galegas doadoras de libros
ante tódolos medios de comunicación comarcais. Tamén faremos a distribución
dos lotes de libros recibidos entre as ditas bibliotecas públicas.
Posteriormente remesaremos ás editoriais e ás librerías colaboradoras os
xustificantes expedidos polos centros culturais receptores dos libros.
Outras actividades programadas para o Día das
Letras Galegas do 2000 serán as exposicións de libros en galego na
biblioteca pública da Casa da Cultura de Ponferrada (avda. Reino de León, 22,
tfno. 987412370), e dos fondos bibliográficos galegos de diversas librerías da
cidade nos seus escaparates. Procuramos provocar o impacto visual dos potenciais
lectores, consumidores e peóns coas exposicións dos libros e os carteis en
galego. Por iso queremos facer o pedimento ás editonais galegas para que
adxunten nas súas remesas CARTEIS EN GALEGO (sobre o Día das Letras
Galegas, as novidades literarias, o fomento da lectura...). Materiais que axudarán
a conseguir a eficacia desexada. No fondo queremos potenciar a concienciación
plurilingüe da sociedade berciana, capaz de manifestarse nunha demanda lectora
e, polo tanto na activación do mercado cultural galego na ampla área funcional
de Ponferrada.
Colectivo Fala Ceibe.