O BIERZO E O PLANO XERAL DE NORMALIZACIÓN DA LINGUA Fala Ceibe participa na elaboración do Plan de |
|||
A Dirección Xeral de Política Lingüística da Xunta de Galicia fai un chamamento aberto a todas as persoas e á sociedade para propoñer suxerencias en relación coa elaboración deste Plano de normalización da lingua galega. A dita asociación cultural do Bierzo únese a esta iniciativa lingüística e indica que se debe ter máis en conta a problemática específica do galego nos tres territorios estremeiros. O primeiro é comentar que o Plano xeral menciona a área de "proxección exterior da lingua", incluíndo no mesmo a referencia ao galego de "fóra de Galicia" dos territorios Navia-Eo,O Bierzo e As Portelas de Seabria e tamén da emigración galega en Europa ou Hispanoamérica. Pois ben, non parece lóxico unir todas estas comunidades de galegofalantes nunha mesma categoría. As comunidades galegofalantes dos tres territorios estremeiros compartimos coa Comunidade Autónoma de Galicia moito máis que coa poboación galega emigrante. Así, hai unha incuestionable continuidade territorial, histórica, cultural e lingüística entre Galicia administrativa e os tres territorios estremeiros que non se pode seguir rachando consciente ou inconscientemente. No tocante ao Bierzo o fomento do galego debe incidir dexeito preferente no ensino desta lingua en todos os niveis educativos presentes na comarca. Outro apartado a ter presente é o apoio á normalización lingüística da administración local. Neste sentido habería que asinar o correspondente convenio de colaboración entre a Xunta de Galicia co Consello Comarcal do Bierzo para elaborar e executar programas institucionais en materia de lingua galega. Tamén se debe establecer unha liña de subvenciois públicas aos medios de comunicación do Bierzo que utilicen parcialmente a lingua galega, e incluso fixar correspondentes da televisión e radio públicas galegas na comarca. |