|
A minoria galegofalante do Bierzo sufre
numerosos ataques das institucións de Castela e León.
Entre eles salientamos o continuo aprazamento da
implantación da materia de lingua galega no ensino
regrado. Xa é moito tempo de reivindicación neste
sentido, e pouco temos avanzado. O feito máis grave
aconteceu no curso 1998-99, cando se suprimiu a profesora
de galego do colexio público do concello da Ponte de
Domingo Flórez, despois de ter consolidada esta materia
voluntaria. Durante estes últimos anos a Junta de
Castela e León sempre contrarrestou as demandas polo
recoñecemento do lexítimo dereito ao ensino
do galego do mesmo xeito, coa desculpa revirada de que
inda non asumira a competencia en materia educativa.
Agora, desde xaneiro do 2000, a Administraci6n rexional
xa conta co correspondente traspaso competencial. Asi
pois, ¿qué alegará para retrasar a execución do
galego no ensino berciano? Mentres tanto a mocidade segue
a rematar os seus estudios sen poder aprender o galego, o
que
provoca a desmotivación xeral. Con todo, cómpre
implicar máis neste proceso educativo á Xunta de
Galicia. A Junta sempre racafiará os medios para un
proxecto educativo que considera «alleo». Velaí a
necesidade de contar coa axuda que debe vir de Galicia, a
cal complementará as insuficiencias de orde material,
persoal e económico que oferte a Administración
castelá. Lembremos que pola Lei galega de Normalización
Lingüística a Xunta está obrigada a protexer o
«galego exterior". E o mellor xeito de facelo é a
través da sinatura dun convenio de colaboración enfre
ámbalas duas institucións, as ditas Xunta e Junta.
Trátase de fixaren polo miúdo a relación de medios
postos a disposición da implantación do ensino galego
na Senabria e O Bierzo, así como de excutaren a
planificación lingüística común no eido educativo.
Pola outra banda, sen abandonar a reivindicación fronte
á Administración, urxe principiar unha campaña de
concienciación lingüística no seo da comunidade
escolar. Hai un perigo certo de que a Junta aproveite a
baixa demanda inicial de ensino galego que poida haber
para reducir o seu apoio. A Administración trata de
evitar que medre o interese social por esta nova oferta
educativa plurilíngüe. Calquera publicidade ou
información verbo do asunto pode ser contraproducente
para o fomento da identidade castelá-leonesa.
|
|